2019ko lehenengo saioan Marguerite Duras idazle frantziarraren ‘Maitalea’ liburua jorratuko du Galtzaundiko irakurle taldeak, Mikel Garmendiak itzulia. Hitzordua urtarrilaren 23 izango da, asteazkena, 19:00etan Tolosako Kultur Etxean. Beti bezala Yurre Ugartek dinamizatuko du irakurle taldea.
Bere lehen gaztarora jotzen du Marguerite Durasek Maitalea sortzeko, gogoratuz nola, hamabost urteko ikaslea zela, Mekong ibaian itsasontzian zihoala, merkatari txinatar aberats eta helduago bat hurbildu zitzaion, eta nola haren amorantea bihurtu zen gero. Eleberriaren abiapuntua baizik ez da pasadizo hori, dena dela, Durasek bere estilo berezia ontzeko eta bere gai kutunak lantzeko: kadentzia dotorez jositako esaldiak, obsesiboki errepikatzen diren irudi eta pasarteak, desira eta denboraren gaineko gogoetak, familia mindu baten zaurietan arakatze gupidagabea… idazkuntza bera azken batean, idazlearen erretratu fidelena hortxe datzalako.
Lanari buruzko informazioa hemen.
Eleberriari buruzko zenbait erreferentzia eta kritika hemen.