1976an, Alkizako barnetegia jarri zen abian milaka laguni euskara irakatsi eta euskaraz bizitzeko aukera emateko. Haren 50. urteurrena gogoratzeko, hainbat ekitaldi egin dituzte Alkizan, katebegi bat euskalduntzearen bidean izenburupean, eta horien artean, barnetegiaren mende erdiko ibilbidea laburbiltzen duen dokumental bat sortu dute Mondragon Unibertsitateko Ainhize Landa, Ibai Lema eta Ivan Callejo ikasleek.
