Urtero gisan, Nafarroa Oinez jaira joateko autobusak antolatu ditu Galtzaundik. Vianako Erentzun Ikastolak eta Zizur Txikiko San Fermin Ikastolak antolatu dute elkarlanean aurtengo jaia, eta urriaren 18an izango da Zizur Nagusian.
Alegia, Amasa-Villabona, Anoeta, Ikaztegieta, Irura eta Tolosatik zuzenean joateko aukera izango dute herritarrek. Autobusean izena emateko azken eguna urriaren 14a da, eta prezioa 15 eurokoa da (Galtzaundikide edota Atarikideek 13 euro). Autobusak 9:00etatik aurrera irtengo dira eta itzulera ordua 19:00etan izango da Zizur Nagusian.
- ALEGIA: Kultur Etxean.
- ANOETA: Ikastolan.
- IKAZTEGIETA: Ostatuan.
- IRURA: Ikastolan.
- TOLOSA: Galtzaundin.
- VILLABONA: Zubimusu ikastolan (zentroan).
- ZIZURKIL: Ernio bidea 9ko udal bulegoetan.
Hauek dira autobusen irteera lekuak herriz herri:
- IKAZTEGIETA: 9:00 Kiroldegiko geltokian.
- ALEGIA: 9:05 Bideberrieta geltokia
- TOLOSA: 9:10 Santa Klarako geltokian.
- ANOETA: 9:15 Apaetxe baserrian.
- IRURA: 9:20 Ikastola parean.
- VILLABONA: 9:25 Elizako geltokia.