51. Udako Ikastaroak antolatu ditu Udako Euskal Unibertsitateak (UEU). 17 jardunaldi eta topaketa antolatu ditu UEUk hainbat eragileekin elkarlanean, eta horietako bat Tolosan izango da, ekainaren 15ean. Udako Euskal Unibertsitateak eta Euskalgintzaren Kontseiluak elkarlanean antolatu dute ‘Hizkuntza hautuen eta generoaren arteko gurutzaketa arnasguneetan’ jardunaldia Tolosan, Galtzaundiren laguntzarekin. Hitzordua ekainaren 15ean izango da, Tolosako Kultur Etxean, 9:00etatik 17:15etara. Matrikula egitea beharrezkoa da jardunaldian parte hartzeko.
Giza eta gizarte zientzietako hainbat diziplinak eta teoria feministak agerian utzi dute azken hamarkadetan hizkuntza hautu eta praktiken baldintzagarri handienetakoa generoa dela. Horren uberan, generoaren aldagaiak euskararen biziberritze prozesuan duen eragina gogoetagai dute azken urteetan euskalgintzako hainbat eragilek. Halaber, mugimendu feministan ere garrantzia hartu du hizkuntzaren auziari buruzko gogoetak. Arnasguneak, dituzten ezaugarriengatik, gune aproposak dira ikerketa sendo bat bideratzeko. Batetik, horretarako ernamuin bat izan nahi du ikastaro honek. Bestetik, arnasguneen iraupenerako ezinbestekoa da generoaren aldagaia aintzat hartzea, eta horretan ere jarriko du alea.
Jardunaldiari buruzko informazio guztia, hemen.
Egitaraua
- Aitor Bengoetxea Alkorta, UEUko zuzendaria.
- Idurre Eskisabel Larrañaga, Euskalgintzaren Kontseiluko idazkari nagusia.
- Lorea Agirre Dorronsoro (Kazetaria eta antropologoa. Jakin pentsamendu aldizkariko zuzendaria)
- Miren Segurola Larrañaga (UEMAko koordinatzailea)
- Kattalin Miner Perez (Idazlea eta berdintasun teknikaria)
- Onintza Legorburu Larrea (Emun aholkularia)
- Garbiñe Bereziartua Etxeberria (hizkuntzalaria)
Moderatzailea: Manex Mantxola (Kontseilua)
- BadaLab
- Leire Vargas Nieto (idazlea, podcastgilea eta ‘Erre’ ikuskizuneko kidea)
- Albina Stardust (drag artista eta aktibista)
Moderatzailea: Idurre Eskisabel (Kontseilua)
- Idurre Eskisabel Larrañaga.