Asisko Urmeneta irudigilea izan da Galtzaundi tabernako iraileko ekitaldiko gonbidatua. Lehenik, 12. Ibarra-Galtzakomik komiki lehiaketaren aurkezpena egin da eta ondoren, Asiskoren ibilbidea errepasatzeari ekin zaio Kike Amonarrizek botatako galderei erantzunez. Bere bitxikeri pertsonalak, parte hartutako proiektuak, izandako bizipenak eta beste hamaika konturen inguruan hitz egin dute Amonarrizek eta Urmenetak, eta umore puntua ere ez da faltatu Galtzaundi tabernako saioan.
