Aurtengoan euskararen gaiari eutsi nahi izan diote Pirritx, Porrotx eta Marimotots pailazoek ‘Kuikui’ proiektuarekin. Kuikui ipuin-diskoak eta Kuikui ikuskizunak osatzen dute proiektua eta Miren Amuriza, Karmele Gorroño , Irene Irureta eta Xabier Zabalak hartu dute parte diskaren sorkuntza prozesuan.
Zer konta? Zer kanta?…”Munduak txorien kantuak eta herrien hizkuntzak behar dituela!”
TXORIEN HABIA-KUTXA OPARI
Gerturatutako hainbat herrietan, txorien habia-kutxak oparitzen ari dira pailazoak azken ikuskizun honetan. Egunerokotasunean txorientzat eta euskararentzat habia goxoak sortzen dituzten taldeen eskura ari dira jartzen habia-kutxak, Aranzadi Zientzia Elkartearen eskutik. Asteburuan, Galtzaundi Euskara Taldearena izan zen txorien habia-kutxa jasotzearen ohorea, txoriek bezala euskara lau haizeetara zabaltzen jarritzeko ukuilua emanez eta animoak indarberrituz. Mila esker Pirritx, Porrotx eta Marimototx, iritsi zaigu berotasuna!