‘Gauza baten ametsa’, udako irakurgaia

Uztailean eta abuztuan ez du saiorik egingo Galtzaundiren irakurle taldeak. Irailean bueltatuko da hilabeteroko martxara irakurle taldea eta beraz, udan zehar irakurtzeko proposamena finkatu da dagoeneko: Josu Zabaletak itzulitako Pier Paolo Pasoliniren Gauza baten ametsa eleberria. Saioa irailaren 25ean izango da, 19:00etatik aurrera, Tolosako Kultur Etxean eta Yurre Ugartek dinamizatuko du.

Gauza baten ametsako historia 1948-1949 urteetan gertatzen da, De Gasperiren gobernuak lur jabeen eta partzuerren arteko harremanetan justizia gehiago ezartzeko legea emanik, Italiako ipar-ekialdeko Friul eskualdeko lur jabeek lege hura bete zezaten laborariek egin behar izan zituzten huelga eta borroka luzeen garaian. Hain zuzen ere Pasolinik 1949-1950 bitartean idatzi zuen bere lehenengo eleberri argitaratua izan zuen hau, bere jaioterritzat zeukan Friuletik Erromara ia ihesian aldatu berria zela.

Liburuari buruzko zenbait erreferentzia hemen.