Osasun erakundeen gomendio eta jarraibideak kontuan hartuz, Galtzaundi Euskara Taldeak bertan behera utzi ditu hurrengo bi asteetako hitzorduak. Koronabirusa geldiarazteko harturiko neurrietan oinarritu da erabakia. Erabaki honek hitzordu eta arlo hauei eragiten die:
- Martxoaren 14ko Euskalgintza: zertan gabiltza? formazio saioa Orendainen.
- Martxoaren 17ko Euskaraldian entitateetara joateko diskurtsoa lantzeko saioa Villabonan.
- Martxoaren 18ko Irakurle Taldearen saioa Tolosan.
- Mintzalagun taldeen hitzorduak.
- Ikasle Eusleen proiektua Anoetako Herri Ikastolan eta Tolosako Laskorain eta Herrikide ikastetxeetan.
- Tolosako saltokietako landa lana.
- Martxoaren 24ko Urteko Batzar Nagusia Alegian.
Bestetik, lan taldeko kideei erraztasunak eman zaizkie kontziliazio eta prebentzio neurriak bermatzeko.